Banga, Aklan – Arestado it mga kapulisan rong sambilog sa subject sa ginpatigayon nga buy-bust operation kabii sa Brgy. Jumarap, Banga, Aklan samtang sambilog pa rong nagapabilin nga at-large.
Rong nadakpan hay nakilaea kay Jan Feliciano Lachica, 37-anyos, newly identified pusher ag residente it Sitio Mapait, Brgy. Poblacion, Balete samtang rong nakapaeagyo hay nakilaea kay Daryl Manlapuz alias “Danny” sa legal nga edad, drug surrenderee ag residente it Poblacion, Balete.
Suno kay PMaj. Fensy Andrade nga ginpatigayon ro nasambit nga operation ko mga taga PDEU-Aklan, Banga MPS, PIS Aklan, HPG Aklan, ag PDEA 6 matapos nga may ginpatigayon nga random drug test sa mga drug surrenderee ko buean it Disyembre sa banwa it Balete nga kung sa siin daywa kara ro naging positibo ag sa pag-usisa it mga otoridad kon siin naga buoe it supply ro daywa hay ginsugid nanda nga kay Daryl.
Matapos raya hay ginpaidaeom sa surveillance si Daryl it mga kapulisan pero naka tunog ag naglaylo sa banwa it Balete ag sumaylo sa banwa it Banga.
Natigayon rong transaction ag kabii hay nakabuoe rong mga kapulisan it sangka sachet it suspected shabu kabaylo it P 2,000.00 nga buy-bust money.
Samtang sa kasagsagan it transaction hay nakatunog rayang si Manalapuz ag sumukoe sa mga kapulisan kung sa siin nakadaeagan raya sa magamo ag madueom nga parte ag nagapabilin pa nga at-large samtang si Lachica hay una eon sa paghinakop it mga kapulisan ag magapangatubang it kasong pagbayolar sa R.A. 9165 ukon Comprehensive Dangerous Drug Act of 2002.
Padayon mat-a rong pag-usoy it mga kapulisan kay Manlapuz.
