Numancia, Aklan – Kapin sa Php 300,000 pesos nga balor it ginpatihan shabu rong narecover it mga taga Provincial Drug Enforcement Unit (PDEU), PDEA ag Numancia PNP sa ginpatigayon nga buy-bust operation kaina it aga-aga sa Numancia Public Market, Brgy. Joyao Joyao.
Nakilaea rong subject nga si Bert Lee Aguirre Tumanon, 49-anyos sangka DJ sa isla it Boracay ag residente it nasambit nga lugar.
Natigayon nga ma buy-bust rong suspek matapos nga magpanaog sa van halin sa isla it Boracay.
Samtang nga naga pauli raya hay sigidas rong transaction pinaagi sa text kung sa siin nakipag deal raya sa poseur buyer ag tag maga daeawatan eon hay nahalata it suspek nga pulis ro anang ka transaction rason nga may natabo nga kumosyon pero ko ulihi hay naaresto man raya.
Na recover kana rong 11 bulto, 4 ka mga maintok nga sachet ag 1 sachet nga may residue it ginapatihan shabu kung sa siin nabuoe raya sa position it suspek nga nakatago sa anang short ag brief.
Ro mga narecover nga items hay insigida pagadaehon sa syudad it Iloilo for Laboratory kamana man ro suspek hay igapaidaeom sa drug test.
Nasayuran nga rayang suspek hay dating nakulong ko 2013 sa kaparehong kaso ag naka guwa pinaagi sa plea bargaining pero nagbalik man gihapon sa dating gawi.
Sa makaron hay uman ra imaw nga magapangatubang it kasong pagbayolar sa Sec. 5 ag Sec. 11 it R.A. 9165 ukon Comprehensive Dangerous Drug Act of 2002.
