Giila karon ang Cagayan de Oro City Health Office kon C-H-O ubos sa administrasyon ni Mayor Oscar Moreno isip Top Performing Highly Urbanized City in Northern Mindanao tungod sa Tuberculosis kon TB Program niini.
Kini tungod usab sa paningkamot sa mga personahe ilabina sa SunDown Clinic sa City Health Office sa pagpangulo ni Dr. Claire Paglinawan sa ilang paghatag og serbisyo sa mga pasyente nga natakboyan sa sakit nga tuberculosis.
Ang SunDown Clinic, maoy labing unang programa sa tibuok nasud nga naghatag og serbisyo ug nag-atiman sa mga pasyente nga natakboyan sa sakit nga TB hangtud na sa gabii.
Lakip sa libre’ng serbisyo nga gihatag sa SunDown Clinic ang sputum exam, konsultasyon kalabot na sa TB ug leprosy ug TB nga resulta sa pagtakboy sa Human Immunodeficiency Virus (HIV).
Kahinumdoman nga nasungkit sa SunDown Clinic ang ikaduhang ganti sa programa sa tuberculosis atol sa gihimong 7th International Union Against TB and Lung Disease Asia Pacific Region Conference bag-ohay lamang.
