Patay ang CAA member, matapos nga tiruhon sa Prk. Daisy, Brgy. Derilon, Banga, South Cotabato, alas 9:00 sang aga, kahapon nga adlaw, Setyembre 30, 2021.
Ginkilala ang biktima kay Jimboy Cabil Bansawan, 24 years old, CAA member sang 11Th SF Company.
Sa imbestigasyon sang Banga MPS, ang biktima ang sakay sa Sky Go motorcycle papauli sa ila balay sa Brgy. Rang-ay, Banga, South Cotabato sang isa ka wala nakilal-an nga suspek nga nakasuksok sang jacket ang nagtiro sa biktima nga naigo sa ulo kabangdanan sang kamatayon sini.
Base naman sa mga testigo gilayon nga nagpalagyo ang suspek sakay sa Suzuki Raider 150 MC nga ginamaneho sang wala nakilal-an nga kaupod sini nga nakasuksok sang black boots kag black sweat shirt.
Nagapadayon naman ang imbestigasyon sang kapolisan sa motibo kag responsable sa nasambit nga pagpangluthang.
