Andam na ang syudad sa Cagayan de Oro alang sa kasaulogan sa kapistahan ni Sr. San Agustin.
Matud ni Konsehal Jay Pascual, Chairman sa komite sa turismo nga mas mabulokon ang kasaulogan sa piyesta karong bulana.
Lakip sa kalihukan mao ang Higalaay Agri Fair and Garden Show sa Gaston Park, Kumbira 2018 sa Limketkai Center sugod sa Agosto 15-17, Kahimunan Regional Trade Fair sa SM City Uptown sugod sa Agosto 17-29, Kagay-an Festival Marathon ug Higalaay Choral Competition sa Centrio Mall sa Agosto 19.
Dugang pa niini nga mga kalihukan mao ang Cowboy Festival sa Roa Property sa Cagayan de Oro uptown sa Agosto 24-26, Miss Cagayan de Oro 2018 coronation night sa Limketkai Atrium sa Agosto 25, Special Feature Motor Ace Kagay-an Dragon Boat Fiesta Race sa Agosto 25-26 sa Cagayan de Oro River.
Naglaom si Konsehal Pascual nga magpabiling masadya ug malinawon ang tibouk kasaulogan.
