Mga ilimnan sa Alijis tubtob lang las 11:30 sang gab-i

157

BACOLOD CITY – (UPDATE) Nagpagwa sang warning ang punong barangay sang Brgy. Alijis nga si Kapitan Deogracias “Dony” dela Vega sa tag-iya sang mga iliman sa amo nga barangay nga mag-comply sa iga-propose niya nga oras sa pagsira sang mga bar ukon ilimnan sa ila lugar.

Ini ang reaksyon ni dela Vega angut sa natabo nga pagbinun-anay kahapon sang kaagahon sa Brgy. Alijis kon diin napatay ang taga-Silay City nga mag-utod kag nasamaran ang isa pa ka biktima.

Ginkilala ang mga napatay nga amo sanday Jessie Naranja, 20 anyos kag Jonathan Naranja, 26 anyos lunsay pumuluyo sang Purok Mabinuligan, Brgy. Kapitan Ramon, Silay City.

Samtang, nasamaran naman sa amo nga insidente ang biktima nga nakilala kay Jerry Martinez nga padayon karon ginabulong sa Bacolod Adventist Medical Center.

Suno sa pagpangusisa sang Police Station 7 sa pagpanguna ni Police C/Insp. Ramil Sarona nga manugpauli na natabo ang insidente pasado las 2 kahapon sang kaagahon sa Brgy. Alijis kon diin manugpuli na ang mga biktima sang ini sila ang ginlambatan sang mga suspek.

Nagapati ang mga pulis nga may natabo nga paglinalisay bangud ang isa ka biktima nasapwan sa area sang Olympia Village samtang ang isa nakita sa Purok Masagana, Alijis Road.

Nahibaluan nga antes natabo ang insidente, ang mga biktima ang mga suspek ang yara sa isa ka bar sa Brgy. Alijis naga-inum inum tubtub may natabo nga pagsinuyaay.

Ginpahayag ni PB dela Vega nga igaduso gid niya nga dapat mapatuman nga tubtub gid lamang alas 11:30 ang gab-i ang pag-operate sang mga bar ukon ilimnan sa iya barangay.

Samtang, padayon naman ang hot pursuit operation sang mga kapulisan batuk sa mga suspetsado./dyHB BACOLOD

Facebook Comments