Naa na sa pito ka kaso ang natala sa Department of Health Region 10 nga nagpositibo sa Coronavirus Disease o COVID-19 sa Cagayan de Oro City.
Kini human nadugangan og tulo ka kaso kagahapon ang mga pasyenteng dunay COVID-19.
Lakip niini ang duha ka kapamilya ni Covid-19 patient 6783 nga taga Barangay Camaman-an ang nagpositibo samtang usa ka 61 anyos nga babayeng taga Barangay Carmen ug namatay niadtong Martes sa gabie ang nagpositibo usab sa COVID-19.
Samtang, namatay usab kagahapon ang ika-upat nga COVID-19 patient sa Cagayan de Oro nga usa ka 21 anyos nga lalaking taga Barangay Lumbia.
Tungod niini, upat na ang patay sa COVID-19 sa syudad, duha ang out-patient ug usa ang naka recover.
Facebook Comments
