![moreno.jpg](https://i0.wp.com/rmn.ph/wp-content/uploads/2020/09/moreno.jpg?resize=696%2C464&ssl=1)
Giangkon ni Cagayan de Oro City Mayor Oscar Moreno nga nagdaginot gayud siya aron makapamalit ug RT-PCR testing kits ug thermal machine nga iyang gikuha sa nasudnong pundo nga gigahin sa iyang syudad pinaagi sa bayanihan fund.
Kini sa tuyo nga mapailalom dayon sa test ang suspect sa covid 19 didto sa ilang lugar hinungdan nga daghang testing kits ang ilang gipang-purchase.
Sa exclusibong pahayag ni Mayor Moreno sa programang straight to the point kagahapong adlawa, gawas sa mga testing kits, adunay mga gamit sa laboratory usab ang ilang gi-purchase ug gipahimutang sa pipila ka mga tambalanan partikular didto sa Northern Mindanao Medical Center o NMMC.
Tinguha ni Mayor Moreno nga dili na dad-on pa didto sa kaulohan ang gipailalom sa test sa covid ug dali nalang nila nga masuta ang resulta gumikan sa ilang kaugalingong covid laboratory.