Full support sa gihapon ang kapolisan sa Cagayan de Oro City Police Office o COCPO sa kung unsa man ang kamandoan ug desisyon ni Presidente Rodrigo Duterte.
Kini ang gibutyag ni COCPO Spokesperson Chief Insp. Mardy Hortillosa, sama na lamang sa kamandoan sa presidente nga ang P-DEA na lang una ang mohimo og operasyon batok sa illegal nga druga.
Mahinumdoman, nga gitangtang ni Presidente Digong ang P-N-P ug A-F-P sa operasyon sa illegal nga druga tungod sa mga batikos sa mga kritiko niini nga daghan matud pa ang mga namatay nga drug pusher ug user tungod sa operasyon sa kapolisan.
Apan hugtanon kining gipanghimakak sa kapolisan kinsa miingon nga igo lamang nilang gidepensahan ang ilang kaugalingon batok sa armado ug misukol nga suspek.
By: RadyoMaN Ellah Baculio
