Nakasinate ang syudad og 3-4% nga pag-ubos sa koleksyon sa buhis kung hisgotan ang negosyo ning panahon sa pandemya.
Kini ang giangkon ni Kon. George Goking, and chairman sa Committee on Trade and Commerce sa konseho ning dakbayan.
Apan bisan pa man niini, aduna pa gihapoy gihulat ang syudad karong Disyembre ning tuiga nga 20% discount alang sa real property tax.
Hinuon alang kang Kon. Goking, nga dili kaayo negligible ang nahitabong pag-decline sa koleksyon tungod kay ang ubang mga negosyante sa syudad, ang mibalhin man og laing negosyo.
Mapasalamaton usab ang maong opisyal nga misanong sa iyang hangyo ang pipila ka mga kompanya nga dili lamang una magsira sa ilang mga negosyo.
Kini human nasayran nga niadtong bulan sa Hulyo ug Agusto, nagplano na ang pipila ka kompanya nga magsira na lamang sa ilang negosyo.
Kini human nga grabeng naapektohan ang ilang mga negosyo tungod sa Covid-19 pandemic.
