Nakuha sa Cagayan de Oro City ang Galing Pook Award nga gitunol kagabie sa Novotel Manila Araneta Center, Quezon City.
Ang maong pasidungog gidawat ni Cagayan de Oro City Mayor Oscar Moreno, mga kauban sa konseho ug nila Atty. Edgar Cabanlas, Chairman ug Engr. Armen Cuenca, Executive Director sa Task Force for the Emancipation of the Piso-Piso Beneficiaries.
Nasayran nga karong tuiga, gibida sa syudad ang ilang housing programan alang sa mga benepisyaryo sa Piso-piso Program nga gititulohan nga “no vote, ibot, no more.” O ending the political bondage in resettlement areas by providing security of tenure.
Ubos sa administrasyon ni Mayor Oscar Moreno, gihatagan niini sa disente ug kaugalingong balay ang mga pobreng kagay-anons.
Sa karon, liboan na ang benepisyaryo sa maong programa kung asa matag usa sa ila duna nay titulo sa ilang mga balay.
Kini na ang ikaduhang tuig nga naangkon sa Cagayan de Oro ang Galing Pook Award.
