Usa ang Cagayan de Oro sa mga local government units dinhi sa nasud nga unang makabinipisyo sa Universal Health Care Law.
Kini human gi-implementar sa18th Council pinanguluhan ni Vice Mayor Raineir Joaquin Uy ang resolusyon nga nagpahibalong usa ang dakbayan sa mga partner LGU’s sa Universal Health Care Advanced Implementation Sites sa Department of Health.
Ang bag-ohay lang giaprubahang balaod naghatag sa affordable nga healthcare services alang sa tanang Pinoy ug automatic nga pag-enroll sa tanang Filipino citizens sa National Health Insurance Program ug ang gipalapdang PhilHealth coverage nga naglakip sa libreng medical consultations ug laboratory tests.
Gipili sa Department of Health ang siyudad tungod sa pag-implementar niini sa Philhealth Indigency Program ug uban pang health services programs.
