BACOLOD CITY – Liwat na nga pagabuksan sa publiko sumugod buwas adlaw ang bag-o lang ginrenovate nga Capitol Lagoon and Park sang probinsya.
Suno kay Negros Occidental Governor Alfredo Maranon Jr. nga buksan sang provincial government ang lagoon bwas sa aga para sa mga pumuluyo nga nagapatigayon sang ila sini temprano nga mga aktibidades kaangay sang pag-jogging, walking lakip man paglagaw lagaw.
Ginpahayag sang gobernador nga ang bag-o nga ambiance sang mas ginpatahum pa gid nga lagoon ang ginapaabot nga magahatag sang kasadya kag kalingawan sa mga pumuluyo sa tion nga ini sila ang magabisita diri.
Ginapaabot sang gobierno probinsyal nga magadala ini sang dugang pa gid nga atraksyon para sa mga bisita kag dumuluong sa pagpadulong nila sa Negros. (Photo of the Old Capitol Lagoon by Alaine Borja)
