Gimandoan ni Cagayan de Oro City Police Office Director Col. Henry Dampal ang station Commander sa Carmen Police Station nga makig-coordinate nila ni Carmen Barangay Chairwoman Rosemarie Lorna Uy alang sa usa ka emergency meeting tungod sa reports nga nag-positibo sa Corona virus ang usa residente sa dalan Dabati-an.
Matud ni Police Major Ivan Viñas, Spokesperson sa COCPO nga nga gusto ni Dampal nga ilang masiguro sa COCPO nga hugot ang ilang pag-cordon sa dalan Dabati-an silbing tipik sa kampanya sa administration ni Mayor Oscar Moreno batok sa Covid-19.
Sa pikas nga bahin, gipahayag ni Viñas nga walay undang ang ilang pagpatuman sa COCPO sa mga balaod ubos sa Modified General Quarantine kon MGCQ samtang nagpadayon ang kampanya sa gobyerno batok sa Covid-19.
-o0o-
