Un 10-anio bata hombre ya muri despues este ya sigui quema na diila casa antigua na Manicahan enantes madrogada.
Serca man alas 12 del noche cuando maga miembro del familia Barredo ya disperta seguiendo con el fuego que llejero ta lambe ya na entero casa diila.
Si Ernie Barredo un antes maestro ya sale irido mientras el bata nombrao como si Elton John Barredo, 10 anio el edad ya queda adentro del su pusento y ya sigui quema.
Ya tene pa que espera espega el fuego despues ya puede saca con el quemao cuerpo del bata.
Llejero asegun man calayat el fuego porcausa el casa hecho de palo y bien seco ya.
El casa antigua ya lebanta del anio 1921 que amo ya este unu del maga casa de antes el ta resta na mencionao barrio.
Facebook Comments
