TACLOBAN CITY – Sobra 570 nga mga kapulisan an gindeploy ha mga probinsya han Samar dida han nakalabay nga lunes para bumulig ha seguridad ha tikaarabot nga may elections ngan puypoyon an Private Armed Groups ngan New People’s Army (NPA).
Ginpangunahan an send-off ceremonies ni Police Regional Office 8 Director Chief Supt. Dionardo Carlos ha Camp Ruperto Kangleon, Palo, Leyte.
An 574 nga kapulisan in under han Regional Special Operation Task Force pero an 60 ha ira in under han Special Action Force.
Babantayan han nasabi nga mga kapulisan an probinsya han Samar, Eastern Samar ngan Northern Samar kun diin mayada report nga may presenya hin Private Armed Groups ngan NPA.
Samtang, hi Presidente Duterte in nag issue hin Memorandum Order 32 ngan Executive Order 70, para maneutralize an private armed groups ngan mga rebelde.
Sumala kan Carlos, magpapadayon an assignment han mga kapulisan bis pa man matapos na an election period ha June 12.
Gin-abisuhan na gihapon ni Carlos an mga kapulisan nga siguraduhon an kahimyang han eleksyon ha samar ngan magin neutral ngan diri magpadara nga gamiton hira han mga kandidato.
