Gidepensa ni Misamis Oriental Board Member Gerardo BoboySabal III ang administration ni Governor Yevgeny Bambi Emano gikan sa Cash Advances sa milabayng tuig sa lima ka mga department heads sa kapitolyo.
Matud ni Sabal nga “Liquidated” na ang maong Cash Advances nila ni Luis Buot III, Jeffrey Saclot, Barlisan Billy, JenerAlaba ug Cluadita Baliton.
“Dili man musugot si Gov. Emano nga maka-cash advance ang iyang mga department heads kondili maliquidate kadtong ilang unang na-cash advance” matud ni Sabal.
Gibutyag ni Sabal nga dili malikayan ang Cash Advances sa usa local government Unit, labina kon dunay dinalian nga mga gikinanglan.
MatudniSabalnga nag-cash Advance ang lima ka mga department heads ni Governor Emano tungod sa daling panginahanglan nga gasto sa kapitolyo.
Ingon usab niini ang tubag ni Councilor Teodulfo Lao Jr. sa Cash Advances sa City hall.
“Pananglitan, naay dalion nga trabaho sa pag-himog drainage system para daling masulbad ang baha, puwede ang Cash Advance” matud ni Lao.
Gibutyag ni Lao nga walay daotan ang pag-cash advance, basta i-liquidate lang ang maong pundo.
Matud ni Lao nga sa kabahin sa city hall walay problema ang Cash advances nga nakita sa COA kay ang maong pundo nga na-cash advance nakasulod sa ilang approved annual budget sa City hall.
Si kanhi Vice Mayor Antonio Soriano mi-ingon nga ang Cash Advances sa mga local government Unit, gitogot kini sa balaod tungod sa gitawag nga “Pre-audit” system
“Pananglitan usa ka department head molarga sa Manila para sa iyang official travel, puwede siya mag-cash advance pero pag-uli nila iyang i-liquidate ang iyang nagasto sa iyang plite sa eruplano, iyang hotel, ug kaon, mag-submit siyag official nga resibo sa accounting office mao na dayon kana ang Post audit” matud ni Soriano.
