Kalibo, Aklan – Gin aresto it mga taga Kalibo PNP ro eaeaki ngara matapos nga magbaligya it mga tinakawan nga items halin sa bahin it San Mariano, Roxas Orriental, Mindoro.
Ro nasambit nga eaeaki nakilaea kay Larry Dela Vega, 32-anyos ag naga istar sa Oyo Torong, Kalibo.
Na recover kana rong sari-saring gadget, accessories ag mga gamit sa eskwelahan sa bahin it Mindoro.
Ro mga gamit nga nabuoe kana hay rong sangka travelling bag nga may mga sueod nga 3 ta mga laptop, EPSON printer, electric sewer machine, 32 inches it flat screen television, Bluetooth speaker, Turbo Broiler ag 1 cellphone.
Nabuoe pa gid kana rong sangka maleta nga may sueod nga cooling fan, dvd potable drive, portable hard drive, power bank, digital alarm clock, 3 laptop chrager, aerator para sa aquarium, computer mouse ag cellphone charger.
Nasayuran nga rayang eaeaki hay may live-in nga sangka agi nga si certain Christopher Saure ag raya rong naga transaction para nga magpadaea kana iya it mga kagamitan nga suno kana ro sugid it agi hay halin sa costum.
Nakomperma raya matapos nga eksklusibong nakipag-angotan it RMN DYKR Kalibo rong igkampod ko suspek nga taga Bay-ang, Batan nga sambilog man sa nakabakae it 32 inches nga flat screen tv sa haygang P5,000.00 nga rong mga gamit hay ginsugid it agi nga halin sa costum ag uwa it paghisayod rayang si Larry nga mga tinakawan rong gamit.
Kahapon ginturn –over sa Kalibo PNP rong nasambit nga flat screen tv matapos nga imaw hay ginkontak it mga pulis bangud nga kon indi na pag i-uli posible makasuhan imaw it pagbayolar sa Anti-Fencing Law.
Nagapanawagan man rong Kalibo PNP nga kung sin-o pa ro mga habaligyaan ni Dela Vega hay kon mahimo i-turn over lang sa kanda.
Sa makaron hay detained sa lock up cell it Kalibo PNP si Dela Vega, samtang ginahueat man it Kalibo PNP rong pag-abot it mga kapulisan halin sa Mindoro ag kamana man ro mga teachers it eskwelahan nga tinakawan.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBO6XZ-b5IVd4gWeFwwmHlF99G3ZnsxhjgoQASgXmx3hGhaeT1tsxazhrTpUw79BpTkI4tyv8_B1WnD0Q0G3yAq5ecs0uF0bQklFGX15_qBqY2Rd8Wq…>
