Luzon

Bahala na ang korte na magpasya kaugnay sa pansamantalang paglaya ng mga consultant ng National Democratic Front na umuupong miyembro ng panel sa usapang pangkapayapaan sa gobyerno. Tugon ito ni Justice Secretary Vitaliano Aguirre kaugnay sa plano ng NDF na hilingan sa mga hukuman ang pagpapalawig sa bisa ng pyansa para sa kanilang mga kasamahan na may nakabinbing mga kaso na kasama sa peace talks.

Tinawag na spoiled brat ni Pangulong Rodrigo Duterte ang rebeldeng grupong Communist Party of the Philippines, New People's Army, National Democratic Front. Ito ang sinabi ni Pangulong Duterte sa kanyang talumpati sa paglulunsad ng Hardin ng Lunas sa Presidential Security Group Compound sa Malacañang.

Hinamon ngayon ni Senator Bam Aquino ang National Democratic Front o NDF na isuko ang kanilang mga miyembro na nasa likod ng pananambang at brutal na pagpatay sa tatlong sundalo sa Malaybalay, Bukidnon. Ito, ayon kay aquino, ay bilang patunay na seryoso ang rebeldeng grupo sa pakikipag-usap sa gobyerno para sa pagkamit ng kapayapaan.

Arestado ang isang consultant ng CPP-NPA-NDF sa checkpoint ng mga sundalo sa Davao City. Kinumpirma ito ni Bayan Muna Rep. Carlos Isagani Zarate, kung saan base sa kanilang natanggap na impormasyon ay hawak na ng Task Force Davao si Ariel Arbitratio.

Matapos na itigil ang giyera ng pamahalaan kontra droga, tututukan naman ngayon ng Philippine National Police ang iba't ibang krimen sa bansa. Sa press conference sa Camp Crame, sinabi ni PNP Chief Ronald Dela Rosa na bagamat wala silang mga ilulunsad na operasyon, maari naman na rumesponde aniya ang kaniyang mga pulis kung nagaganap ang transaksyon ng ilegal na droga.

Pumalo na sa 104 ang patay sa avalanche sa Afghanistan. Bunsod na rin ito ng ilang araw nang pagbuhos ng snow sa nasabing bansa.

Hawak na ng Office of the President ang resulta ng imbestigasyon ng National Police Commission (NAPOLCOM) sa dalawa sa tatlong police general na pinangalanan ni pangulong rodrigo duterte na sangkot sa illegal drug operatioons. Ito ang kinumpirma ni Rogelio Casurao, Vice Chairman ng NAPOLCOM, matapos na maisumite sa Pangulo.

Sinimulan na ang memorial service para sa Korean businessman na si Jee Ick Joo sa Philippine National Police (PNP) Multi-Purpose Center sa Kampo Crame. Ito ay dinaluhan ng mga opisyal ng Korean embassy at ilang Korean nationals

Pumalag ang NDFP o National Democratic Front of the Philippines sa bansag na "terorista" sa kanila ni Pangulong Rodrigo Duterte. Ayon kay Fidel Agcaoili, Chief Negotiator ng NDFP Peace Panel, hindi naman naghahasik ng lagim ang NPA o New People's Army hindi tulad ng ginagawa ng Abu Sayyaf at Maute Group.

Ipinasa na ni Pangulong Rodrigo Duterte ang muling pagbuo ng peace talks sa pagitan ng CPP-NPA-NDF at gobyerno sa susunod na administrasyon. Ginawa ni Pangulong Duterte ang pahayag matapos nitong tuldukan at isara ang pintuan ng negotiating table para sa peace talks.