Nagfile og usa ka resolusyon si 2ND District Congressman Rufus Rodriguez niadtong Biyernes sa hapon sa kongreso.
Kini aron maimbestigahan dili lang ang mga kadete sa Philippine Military Academy kon PMA kon dili apil na ang naghimo sa pagdagmal ni PMA Cadet Darwin Dormitorio.
Matud ni Congressman Rodriguez, nga ang PMA usa ka government institution ug learning institutions apan dinhi hinoon nahitabo ang pagsupak sa anti-hazing law.
Dugang pa ni Congressman Rodriguez nga klaro kaayo nga wala magtuman sa balaod nga Anti Hazing Law ang PMA ug wala kini magbantay sa ilang kadete.
Particular nga matumbok ug mapadala sa congress alang sa imbestigasyon sa kamatayon ni PMA Cadet Darwin Dormitorio ang PMA Supirentendent ug faculty advisers lakip na ang tulo ka person of interest nga nalangkob sa usa ka senior ug duha ka second year third class.
Matud ni 2nd District Congressman Rufus Rodriguez nga mas daghan pa ang malambigit sa kaso tungod kay kini na ang binuhatan sulod sa academy.
Dugang pa ni Rodriguez nga angay na nga undangon sa PMA ug sa tanang tunghaan sa nasud ang hazing kay supak kini sa balaod.
