Ambisyon na ni PMA Cadet Darwin Dormitorio nga mosulod sa PMA.
Kini ang gibutyag sa igsoon niini nga si Dexter Dormitorio atol sa interview sa DXCC.
Matud ni Dexter nga sa autopsy result sa iyang igsoon, aduna kini samad sa ribs ug daghan pang organ ang na injured ug naguba usab ang kidney niini.
Giangkon usab ni Dexter nga gikuryentihan ang iyang igsoon.
Giklaro ni Dexter nga dili sila kombinsido sa giingong nga cardiac arrest ang namatyan sa iyang igsoon, tungod kay baskog ug walay problema ang panlawas sa iyang igsoon.
Nasayran nga ilubong si Cadet Dormitorio ugma sa buntag, adlawng Miyerkules.
Samtang, buot karon sa pamilya ni PMA Cadet Darwin Dormitorio nga ma-imbestigahan ang unang nagpagawas sa resulta sa kamatayon sa iyang igsoon.
Matud ni Dexter Dormitorio nga sa karon nagfucos ang ilang pamilya sa imbestigasyon sa PNP ug PMA.
Dugang pa niini, nga kung adunay imbestigasyon nga ablihan, andam sila nga mo-cooperate.
Nasayran nga nangayo usab og tabang ang pamilyang Dormitorio ngadto ni Presidente Rodrigo Duterte nga matabangan sila sa kaso sa iyang igsoon pinaagi sa direktiba nga diretso sa Armed Forces of Philippines kon AFP ug Philippine Military Academy kon PMA.
