Gipasalig ni Cagayan de Oro City Mayor Oscar Moreno ang 1000% nga suporta alang sa programa ug kalamboan sa natad sa edukasyon.
Gipasalamatan usab ni Mayor Moreno ang Department of Education ubos sa liderato ni Secretary Leonor Briones sa maayong kooperasyon ug pagtinabangay sa paghatud og serbisyo sa natad sa edukasyon.
Atol sa kasaulogan sa National Teachers’ Day, gidayeg ni Mayor Moreno ang mga magtutudlo sa ilang talagsaong propesyon ug dedikasyon sa pag-umol sa kabataan.
Saludo ang mayor sa kinabuhi sa mga magtutudlo ug sa pagsagubang sa tanang pagsulay ug kalisdanan mahatagan lamang og hayag nga kaugmaon ang kabataan.
Nasayran nga dili momenus tres mil ka mga magtutudlo, regional directors, assistant ug under secretaries sa Deped sa tibuok nasud ang misalmot sa Teachers’ Day nga gipahigayon ning syudad.
Sa kasamtangan, kapin na sa 700 ka mga classrooms ang nahuman ug padayong gitrabaho sa nagkalain-laing barangay ning syudad sugod sa administrasyon ni Mayor Moreno aron pagtubag sa classroom shortage nga miresulta sa emergency classes sa mga pampublikong tunghaan.
