Gisuportahan sa Cagayan de Oro City Peace, Development and Security Council o CPDSC ang lakang ni Presidente Rodrigo Duterte nga hingpit nga masulbad ang armadong pakigbatok sa gobyerno batok sa komunistang grupo sa nasud.
Kini pinaagi sa pagpalabang sa sugyot resolusyon nga nagsuporta sa Executive Order number 70 o ang kamandoan sa president nga mahunong na ang gitawag nga local communist armed conflict.
Matud ni Cagayan de Oro City Mayor Oscar Moreno nga maoy Chairman sa CPDSC nga importante kayo ang panaghiusa ug pagtinabangay sa tanang sector sa katilingban aron mabuntog ang armadong pakigbisog kontra sa Communist Party of the Philippines / National Democratic Front / New Peoples Army o CPP/ NDF/ NPA.
Giaprobahan usab sa CPDSC ang action plan nga magsilbing giya sa mga plano, programa ug proyekto sa gobyerno local ug nasyonal alayon sa tinguha nga mawagtang na ang pila na ka dekada nga pakig away sa Communist Party of the Philippines / National Democratic Front / New Peoples Army o CPP/ NDF/ NPA batok sa gobyerno.
