Himoong pilot site ang usa ka dakong hotel sa Cagayan de Oro sa usa ka kompanya gikan sa nasud sa Japan, nga eksperto sa waste water treatment technology.
Gi-presentar ni Kenichi Tamura, ang Director sa E-square Inc. ngadto kang City Mayor Oscar Moreno, ang Hinode Microbubble Technology nga gamiton sa Limketkai Luxe Hotel ning syudad.
Nasayran nga ang pilot testing sa waste water treatment technology, ang pundohan sa Japan International Cooperation Agency kon JICA.
Mahinumduman nga mibisita na diri sa syudad si Tamura niadtong bulan sa Pebrero ning tuiga, aron sa pagkuha og mga datos ug impormasyon, nga himoong sumbanan sa project proposal ngadto kang JICA.
By: Radyoman Aiza Mishelle Enloran
Facebook Comments
