BAGO CITY – Ginpauntat sang City Environment and Natural Resources Office ukon Cenro ang pagpang-utod sang mga kahoy sa Abuanan Road.
Suno kay Joan Nathaniel Gerangaya, nakibot man sila bangod wala pa sang approval ang ginhingyo sang Department of Public Works and Highways nga permit sa pagpang-utod.
Sa idalom sang PD 705 ukon Forestry Code of the Philippines wala sang utdon nga kahoy kon wala pa ini sang permit gikan sa DENR.
Ginpang-isip na nila ang pinag-utod nga kahoy kag dagdagan sang apprehension receipts, seizure order kag magapatigayon sang administrative hearing.
May salabton diri ang DPWH kag kontraktor sang road widening project.
Sa record, 271 ka puno sang kahoy ang gin-applayan utdon sang DPWH sa diin ang kalabanan diri ang gintanom masobra tatlo na ka dekada ang nakalipas sa Philippine-Japanese Friendship. / Contributed facebook photos/ Credit to the owner
