Columbio, Sultan Kudarat — Patay ang usa ka Chainsaw operator nga si Mark Galaw, hingkod ang panuigon, residente sa New Bantangan, Columbio, Sultan, Kudarat, human kining gitigbas sa suspek nga si Eglendo Guialuring nga natigayon sa Sitio Kawing, Barangay Datal Blao, Columbio, Sultan Kudarat.
Basi sa inisyal nga imbistigasyon sa kapulisan, samtang nag-ayo sa iyang chainsaw ang biktima kalit lang kining giduol sa suspek dayon gitigbas sa iyang liog nga hinungdan sa iyang kamatayon.
Misibat ang suspek apan mapampuson kining nadakpan sa kapulisan didto sa Davao Del Sur.
Kinaingong walay bingkil ang biktima ug ang suspek apan ayha nahitabo ang krimen mibahad na ang suspetsado nga siya mopatay ug tawo human matud pa siyang gikulata sa iyang mga paryente guman siyang gikulata gumikan sa pagmaoy niini.
Sa karon ang suspek pabiling balhog sa silda sa kapulisan sa Columbio.
