General Santos City—gitigbas sa usa ka 22 anyos nga lalaki ang usa ka Chainsaw operator samtang sila anaa sa balay sa ilang kaila didto sa Sitio Kamalian, Barangay Biangan, Malungon, Sarangani Province.
Ang biktima giilang si Loreto Binuay, residenti sa Barangay, Balaciao kiblawan, Davao del sur. Suspek sa pagpanigbas nailhang si Keven Kilam, 22, mag uuma, residenti sa Sitio Kamalian, Barangay Biangan, Malungon, Sarangani Province.
Alas 2:45 ang takna sa hapon dihang giimbistahan ang biktima sa iyang amigo sa balay sa ila ra usab nga kaila nga si Reymond nga nahimutang sa samang Barangay apan pag abot sa maong lugar, kalit lang matud pa kining gitigbas sa suspek gamit ang sundang pila ka higayon.
Nakaangkon ug mga samad sa nagkandaiyang parti sa lawas ang biktima kansa dali nga gidala sa Ospital sa Malungon human sa insidenti.
Nakasibat usab ang suspek nga responsabli sa pagpanigbas. Sa karon padayona ng gihimong imbistigasyon kalabutan sa insidenti ug gipangita pa ang suspek sa nasampit nga kremin.
