BACOLOD CITY – Wala nakapagwa sang Executive Order ang Malacañang angut sa ginrequest kuntani sang Sangguniang Panlungsod sang ciudad sang Bacolod nga i-declare nga special non-working holiday subong nga adlaw sa Bacolod City.
Ini kasunod nga may klase gihapon kag may trabaho apesar nga iga-celebrate subong sang ciudad ang signing sang commemoration sang Charter Day sang Bacolod.
Nahibaluan nga indi holiday ang karon nga adlaw kon diin patigayunon ang mga events nga kuntani sa tagsa ka October 19 ginahiwat.
Kalakip diri amo ang paghatag sang Banwahanon Awards, pinakataas nga pagkilala nga ginahatag sang ciudad sa pila ka individual sa Bacolod nga may daku nga kontribusyon sa komunidad.
Ang apat ka mga Banwahanon Awardees amu sanday Rustico Español Año Jr., Dr. Erlinda Gelvezon delos Reyes, Rodney Segura Martinez kag ang CEO sang Yanson Group of Bus Companies kag tag-iya sang Ceres Negros FC nga si Leo Rey Villaflores Yanson (LRY)./ Photo of LRY
