MURCIA, NEGROS OCCIDENTAL – Patay ang isa ka lalaki matapos nadisgrasya ang motorsiklo nga iya ginamaneho kahapon sang hapon sa Brgy. Cansilayan, banwa sang Murcia.
Nakilala ang biktima nga si Alfredo Flores, 32 anyos ang edad, pumuluyo sang Dumpsite, Brgy. Cansilayan sang amo nga banwa.
Suno sa pagpangusisa, natabo ang insidente may mga las 2:30 kahapon sang hapon kon diin natumba ang motor sang biktima bangud man sang alegasyon nga ini ang naka-inom.
Nag-angkon sang head injuries si Flores lakip na ang pagka fracture sang iya tuo nga kamot.
Gindala pa sa Corazon Locsin Montelibano Memorial Regional Hospital ang biktima apang ini siya ang gindeklarar nga dead on arrival./dyHB BACOLOD
Facebook Comments
