Inanunsyo ng Chinese Embassy sa Pilipinas na tuloy ang political dialogue ng China at Pilipinas.
Ito ay matapos na magkaharap sa Association of Southeast Asian Nations (ASEAN) meeting sa Cebu ang Director-General ng Department of Boundary and Ocean Affairs of the Foreign Ministry Hou Yanqi at si Foreign Affairs Undersecretary Leo Herrera-Lim , gayundin si DFA Assistant Secretary for Asian and Pacific Affairs Marshall Louis Alferez.
Ayon sa Chinese Embassy, ang naturang pagpupulong ay hudyat ng pagpapatuloy ng dayalogo ng dalawang bansa.
Nagkaroon din ang dalawang panig ng pagpapalitan ng pananaw hinggil sa maritime affairs at iba pang isyu na may kaugnayan sa mutual interest at ang pagpapanatili ng komunikasyon sa pamamagitan ng diplomatic channels.
