BINALBAGAN – Ginkalipay sang pamilya ni Rigo Calvo Reas, 22 anyos sang Barangay Sara-et, Himamaylan City ang iya kadalag-an matapos nga nakasulod ini sa Top 10 sang June 2018 Criminologist Licensure Examination.
Si Reas ang nakakuha sang 88.35% nga rating sa diin ini sya ang ara sa Ikawalo nga pwesto.
Naggraduate siya sang 2017 sa Carlos Hilado Memorial State College of Fisheries – Binalbagan sa diin nagpahuway ini anay sang anum ka bulan paagi sa pagtrabaho bilang security guard antis magkuha sang board.
Nagtrabaho sya bilang sekyu sa isa ka fast food chain sa Binangonan, Rizal.
Nagdako ini sa Antipolo apang sang 2011 nagpauli sa pamilya sang iya iloy sa Himamaylan City sa diin sya man ang scholar.
Handom gid ni Reas ang magsulod sa PNP sa diin matutom ini nga nagtuon rason nga naggraduate man sya nga cum laude.
