Target karon sa City Health Office ning siyudad sa Malaybalay nga mahimo zero o wala nay aktibong kaso sa COVID-19 sa dakbayan karong Biyernes, Oktubre 30 ning tuiga.
Sa interview sa RMN ngadto kang Nene Belisario, ang spokesperson sa IATF Malaybalay gibutyag niini nga sa karon, 4 na lang ang aktibong kaso sa Malaybalay.
Nasayran nga 7 ka adlaw na kagahapon (October 27, 2020), wala nay natala nga bag-ong kaso sa maong virus sa siyudad.
Samtang sa Valencia City, sa iyang public address kagahapon, gibutyag ni City Legal Officer Atty. Marlowe Selecious nga as of October 26, 2020 aduna na lay 34 ang aktibong kaso sa Valencia.
Kagahapon, ika-upat nga managsunod nga adlaw na nga walay bag-ong kaso sa COVID-19 sa mao nga siyudad.
Gidahom usab nila nga sa ikaduhang semana sa Nobyembre mahimo single digit na lang ang kaso virus sa Valencia.
Sa karon, adunay 66 ka mga swab test result ang ilang gihulatan human nga adunay nagpositibo sa COVID-19 nga nitambong sa usa ka kasal.
