Todo na ang gihimo karon sa City Health Office kon CHO Malaybalay nga kampanya alang sa Iwas Paputok awareness program.
Sa interview sa RMN DXMB Malaybalay ngadto kang Grace Lingcasan ang health education and promotion officer sa CHO Malaybalay gibutyag niini nga kada tuig kini nila nga kalihukan diin karong tuiga mao ang ika-3.
Matud ni Lingcasan nga ang nakalahi niini karon mao nga gilambigit na nila ang mga barangay ug dili lang sa mga tulunghaan.
Ang Iwas Paputok Program kalihukan sa Department of Health aron pataas ang kahibalo ug kahimatngon sa publiko sa kadelikado sa paggamit sa illegal nga mga pabuto sa pagsugat sa pasko ug bag-ong tuig.
Matud ni Lingcasan nga katimbang nila sa mao nga programa ang BFP, DILG, PNP ug LGU.
Facebook Comments
