Malaybalay City, Bukidnon – Bisan gikasubo apan girespito sa Commission on Human Rights kon CHR ang pamahayag nga wad-on na ang CHR.
Sa interview sa RMN Malaybalay ngadto kang CHR Spokesperson *Atty**. **Jacqueline De Guia**,* gibutyag niini nga klaro sa konstitusyon nga ang CHR usa ka mahinungdanong demokratikong institusyon nga gikinahanglan sa nasud.
Ilabina matud pa sa panahon nga nagkinahanglan ug balanse sa gahom.
Gipahayag ni Atty. de Guia nga dili babag ang CHR sa gobyerno.
Gipananglitan pa niini nga susama sa COA aduna kini espisipikong tahas nga maoy mututok kung aha na paingon ug gi-unsa paggamit ang pondo sa gobyerno.
Matud niini nga trabaho usab sa CHR nga mututok sa illegal use of power aron siguruhon nga walay pagpang-abuso sa gahom ug aron masiguro nga mahimong luwas ang publiko sa tanang higayon.
