BACOLOD CITY – Ginpatemprano karon sang Department of Education ang Christmas break sang mga eskwelahan sa idalum sang ginhimo nga amendment sa DepEd Order para sa school calendar year 2018 – 2019.
Pinaagi sa DepEd Order No. 049 nga ginpirmahan ni Education Secretary Leonor Briones, ginpa-temprano ang Christmas break halin sa December 22 ini ang ginhimo na karon nga December 15.
Apang ang petsa nga December 15 ang magapabilin gihapon ang class day para naman sa mga aktibidad ukon hilikuton sang mga estudyante.
Suno kay Briones, ginahatagan importansya sang DepEd ang pag-spend sang quality time sang tagsa ka pamilya kag ang panahon sang paskwa amo ang ti-on kag oportunidad sang mga estudyante nga mapabakud ang relasyon sa tagsa ka pamilya.
Sa idalum sang amo nga mandu, ang klase magabalik sa January 2, 2019 kag ang last day of school naman para sa school year 2018-2019 amo ang April 5, 2019./ Andy Alvarez photo via The Visayan Daily Star
