*Con un fescador ya tira el un pulis bajo na grupo del Counter Intelligence Task Force (CITF) na Zone 7, Ayala del Martes serca man meja noche.*
*Con el victima ya conose como si Juan Tolorion y salo, 39, separtao del mencionao lugar.*
*El hechor pulis amo si SPO1 Ryan Mariano y Desaca, casao, designao na CITF-Crame y residente del mencionao lugar.*
*Asegun na imbestigacion, serca man alas 12 del meja noche, adentro na un internet café canda Tolorion y Mariano cuando ya man purpiajan estos.*
*Amediante del diila argument, ya arangca si Mariano consu calibre 45 pistola y ya tira con Tolorion na derecha carillo.*
*Con Tolorion ya leva na hospital mientras con Mariano ya aresta el maga pulis del Ayala Police Station.*
*Maga miembro del Scene of the Crime Operatives ya recobri un capsula del calibre 45 pistola na lugar del soseso. *
