General Santos City—Gi-angkon ni Gensan City Councilor Atty. Edmar Yumang Chairman sa Peace And Order sa Sangguniang Panglungsod nga dakong kawad-on sa syudad ang kalit nga pagkabalhin ni City Director Police Colonel Aden Lagradante ngadto sa Camp Crame.
Sumala pa ni Councilor Yumang nga promosyon ang hinungdan sa pagbiya ni Lagradante sa Gensan hilabina nga bag- o na usab ang labaw sa kapulisan sa nasud Pilipinas ug nakita niini ang kamaayo sa maong opisyal hilabina sa iyahang performance rason nga gibutang kini isip Division Chief sa Special Operation sa Kampo Crame.
Alang kang Yumang usa ka maayong tawo si Lagradante ug kanunay nakatutok sa iyang trabaho ug dunay maayong koordinasayon sa mga opisyal sa dakbayan hinungdan nga niadtong milabay nga mga bulan nakadawat kini ug award isip Best City Director sa Region 12.
Naglaum na lamang ang konsehal nga mapadayon sa mohulip kaniya ang maayo niining mga programa sa GSCPO sama na lamang sa mga Pilot Project niini nga mao ang Gensan Big Eye. Sa karun si Deputy City Director Police Lieutenant Colonel Samuel Cadungon ang kasamtangan unang Acting City Director sa GSCPO hangtod nga wala pay mabutang nga muhulip kang Col. Lagardante.(RV)
