Ginpasiguro sang head sang Bacolod City Disaster Risk Reduction Management Office, Dondon Parandas nga bisan wala pa sila sang may nabaton nga report angut sa pagbaha sa mga dalanon sa ciudad bangud man sang pag-ulan humalin pa kahapon, nagpatigayon sila sang gilayon nga inspection.
Ini kasunod nga nagsaka naman ang tubig sa pila ka bahin sang ciudad sang Bacolod bangud man sang pagbubo sang ulan kahapon tubtub sang kagab-i.
Suno kay Parandas nga nagpatigayon sila sang clearing sa drainage sa area sang Araneta Street malapit sa Negros Occidental High School upod ang DPWH.
Madumduman nga ang drainage sa area sang Brgy. 3 kag 4 amo ang madugay na nga problema sang flood control team bangud nga ini ang catch basin sang Lacson, Gatuslao kag Ramos area.
[image: image.png]
