ILOILO CITY – Malapnagon nga promotion ang ginahimo sang city government paagi sa city environment and natural resources sang solar energy diri sa syudad.
Partikular na diri ang mga establishments nga may dalagko nga konsumo sa kuryente.
Subong man ginpahibalo ni City ENRO Engr. Noel Hechanova nga may programa man sila sa mga residential nga may solar panels nga nagafunctions sa ila panimalay.
Suno kay Hechanova may ginahatag sila nga 20% discount sa ila nga real property tax kada tuig.
Pahayag ni Hechanova paagi ini sang syudad agud magganyat ang mga residente nga mag-amat-amat na install sang solar panels sa ila mga bubong agud makakinot sa ila konsumo sa kuryente.
Sa mga residente nga may solar panel nga functional magbisita lamang sa opisina ni Hechanova agud mainspect kag mahatagan sang certification kag makaavail sang discount sa pagbayat sang ila real property tax.
