City government sang Himamaylan nagpanindugan sa pagpaidalum sa swab test sa mga trainees sang PSA

13

Nagpanindugan ang City Health Office sang Himamaylan nga ipa-swab test nila ang 23 ka inbidwal nga nag-training sa idalom sang Philippine Statistics Authority (PSA) sa Nature’s Village Resort sa ciudad sang Talisay.

Sa interview sang DYHB kay Dr. Kaye Marie Yap, rural health officer sang Himamaylan, luyag lang nila nga proteskyunan ang ila mga pumuluyo kag mangin ang mga pamilya sang mga ini nga ila pulian. Gindugang pa sini nga may autonomy ang ila ciudad nga himuon ang mga nagakaigo para sa ila pumuluyo gani bisan ang mga Authorized Person Outside Residence (APOR) ang dapat ipa-swab test man.


Una diri, isa ka persona nga nagpatago lang sang iya ngalan ang nagpalayag sa DYHB sang ila pagkontra sa plano sang ciudad nga dal-on sila karun sa quarantine facility kag ipa-swab test sa Lunes. Nahibaluan nagsugod ang training sang mga natungdan sang Huwebes kag magatapos sini nga adlaw sang Sabado.

Suno naman kay Dr. Yap, nagahalong lang sila bangud sa una nga batch sang nasambit nga mga trainees, may isa nga nag-positive sa COVID-19 sa ila nga pagbalik sa Himamaylan.Ginapasiguro man sang doktor nga sa sulod sang 2-3 ka adlaw magaguwa na ang resulta sang swab tests sang mga trainees. Samtang suno sa tagreklamo, respetuhon na lang nila ang desisyon sang ciudad nga iya gintawag “overacting”.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments