Gipirmahan na isip usa ka ordinansa ang City Ordinance No. 971 series of 2021 o mas naila nga Malaybalay City Human Milk.
Sa interview sa RMN DXMB Malaybalay ngadto kang Councilor Niko Aldeguer gibutyag niini nga ang mao nga ordinansa makabatang sa mga ginikanan nga dili makahatag ug breastmilk sa ilang mga anak tungod sa mga pipila ka sirkumstansiya.
Makatabang usa daw kini sa pagluwas ug pagsiguro sa kahimsog ug nutrisyon sa mga kabataan nga mas nanginahalan.
Matud sa Breastfeeding and Nutrition advocate sa City Health Office, ang breastmilk gi-ila isip liquid gold nga makapa-boost sa immunity ug makahatag ug proteksyon batok sa mga impeksyon ug sakit sa ilang edad.
Sigun usab ni Aldeguer kinsa author sa mao nga ordinansa nga ang Human Milk Bank ang gikonsidera nga pinaka-una sa Bukidnon ug pinaka-una sa Pilipinas kung asa ang LGU maoy magdumala sa human milk bank nga nakasubay sa standard sa DOH.
