Luyag naman nga e-assign ni Vice Mayor El Cid Familiaran ang kontrobesyal nga pulis nga si Police Lt. Col. Jovie Espenido sa City Drugs Enforcement Unit-CDEU sang Bacolod City Police Office.
Ini matapos nga gin-confirm na sang Regional Police Office – PRO6 ang assignment ni Espenido sa BCPO apang sa wala mahibalu-an nga unit.
Suno kay Familiaran nga makabulig si Espenido sa OVERFLOWING nga supply sang ilegal nga droga sa Bacolod.
Madumduman nga nangin kotrobersyal si Police Lt. Col. Jovie Espenido matapos sang pila ka drug operation nga iya nga ginpangunahan nga nag-resulta sa kamatayon nanday Albuera Leyte Mayor Rolando Espinosa kag Ozamiz City Mayor Reynaldo Parojinog.
Samtang, gina-welcome man sang chairman sang committe on police matters – Councilor Al Victor Espino ang pag-abot ni Espenido sa Bacolod sa diin posible nga madamu sang matun-an diri ang kapulisan gikan sa iya expertise – particular sa kampanya sa ilegal nga droga.
