BACOLOD CITY – Nag overheat nga plug sang electric fan amo karon ang ginatumod nga rason sa natabo nga sunog sa kisame sang isa ka classroom sa Asuncion Lizares Elementary School sa Brgy. Granada, Bacolod City kaina sang aga.
Ang sunog natabo may mga las 7:15 sini nga aga sa Room 24 nga gina-occupy sang mga estudyante sa Grade 3.
Suno sa principal sang amo nga eskwelahan nga si Nicolas Gargallano, base sa initial investigation sang Bacolod Bureau of Fire Protection nga na overheat ang plug nga ginatakdan sang ceiling fan rason nga nagtuhaw ang kalayo.
Bangud sini, partially damage lang ang kwarto bangud madasig man nga napalong ang kalayo gani wala na nagdaku pa kag naglapta./DYHB NEWSROOM
Facebook Comments
