[Developing Story]
Malinao, Aklan – Uwa eon it kabuhi tag makit-an rong sangka babaye kahapon sa sapa it Sitio Pitugo, Brgy. Sugnod, Malinao, Aklan.
Nakilaea rong biktima kay Irene Nedic Victoriano, 41-anyos ag residente man it nasambit nga lugar.
Sa report it Malinao PNP nga kaina it mga alas 11:30 rong agahon nag-adto si Punong Barangay Ruben Agustino it nasambit nga barangay ag nag report nga may nakitang patay sa anang lugar.
Insigida nag reponde rong Malinao PNP ag pag-abot sa lugar nakita nanda rong biktima nga nagahamyangon ag may tama it pag-eabo sa ueo ag li-og.
Sa makaron hay nagapadayon pa rong imbestigasyon it Malinao PNP angot sa nasambit nga krimen para masayuran rong motibo ag makilaea rong suspek.
Bantayan ro dugang nga mga impormasyon sa pag follow up it investigative section kung RMN Kalibo.
