Kapin sa 15 na ka mga empleyado sang Provincial Health Office (PHO) ang na-trace nga may close contact sa nurse nga nag-positibo sa coronavirus.
Sa interview sang DYHB kay Provincial Health Officer Ernell Tumimbang, ginkumpirmar sini nga ang nasambit nga nurse ang kabahin sang support nurses nga gin-hire sang regional office kag nagabulig ini sa pagkuha sang swab samples sa Bredco Port, sa airport kag sa mga quarantine facilities sang probinsiya kag nagapuli sa Brgy. Banago, Bacolod City.
Sa karun, naga-skeletal force lang anay ang PHO bangud nga gin-swab test na ang 15 kag gin-quarantine kag ginahulat ang resulta sang ila test. Kahapon, nagpatigayon na sang disinfection sa opisina sang PHO sa Benjamin Hall, 4th Street, Bacolod City.
Samtang, ginkumpirmar ni Dr. Tumimbang nga isa na lang karun ka shift ang operation sang Molecular Laboratory sa Teresita Jalandoni Provincial Hospital sa ciudad sang Silay matapos nga may isa man ka medical technologist nga nagpositibo sa COVID-19 kag gin-quarantine kag swab test man ang mga na-close contacts sini.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
