Davao City – Diha na lamang una sa balay nato himoon ang paghandom kun pag-komemorar sa atong mga minahal sa kinabuhi nga mitaliwan na sa laing kalibutan inay na himoon ang naandang pisikal nga pagduaw sa mga lubnganan panahon sa Todos Los Santos.
Sumala ni Pastor Andres Atup sa Sovereign Grace Baptist Church, ang COVID-19 public health emergency maoy nag-unang rason nga husto lamang nga idli usa ang aktwal nga pagbisita ug pagtapok-tapok diha sa mga sementeryo aron mahalikay ang katawhan sa infection ug local transmission.
Dugang ni Atup nga subay sa Balaang Kasulatan, mamahimo sa gihapong handumon nato ang mga nitaliwan na apan dili na kinahanglan nga moadto pa sa sementeryo.
“Maayo gyud nga dili lang (usa) magtapok-tapok…Anyway, pwede ra man (handurawon) ang mga loved ones natong nangamatay dinha sa atoang mga panimalay. Sa Bibliya, handumon (nato) ang mga nangamatay pero dili in the sense nga moadto pa ‘ta og menteryo,” dugang ni Atup.
RadyoMan Bernard Pantallon
