Gitawag ni 4th ID commander Brigadier General Franco Nemesio Gacal ang CNT’s nga mga desperado sa pagpanghaylo sa kabatan-onan aron modapig kanila.
Tungod niini, nanawagan ang opisyal sa mga ginikanan nga magmaigmat ug bantayan ang ilang mga anak batok sa teroristang grupo nga gikaingong gapang-recruit sa mga tunghaan.
Matud ni Gacal, kinahanglang sigurohon sa mga ginikanan nga luwas ang ilang mga anak batok sa pagpanghaylo sa CPP-NPA.
Nasayran nga sa miaging semana, kinse ka mga CNT’s ang misurrender ug dala nila ang 15 ka nagkadaiyang klase sa armas.
Tungod niini, mikabat na sa 346 ang kinatibuk-ang ihap sa surrenderees sugod sa bulan sa Enero ning tuiga ug mokabat sa 70 ka armas nga dunay nagkalain-laing klase ang nakumpiska.
Samtang, ang mga surrenderees nahimong binipisyaryo sa Enhanced Comprehensive Local Integration Program o E-CLIP diin makadawat sila sa livelihood assistance alang sa bag-ong pagkinabuhi.
