Subli na usab nga nag-number 1 ang Cagayan de Oro City Police Office kon COCPO pag-abot sa rating sa Police Community Relation Unit Performance Evaluation Report batok sa pito ka mga unit sa tibuok rehiyon.
Nasayran nga nakuha sa COCPO ang puntos nga 153.22 nga gisundan sa Bukidnon PPO sa ilang 146.84; Misamis Oriental PPO sa ilang 145.89; Iligan City Police Office sa 145.05; Lanao del Norte PPO nga adunay 140.08; Misamis Occidental PPO sa ilang 139.98 ug Camiguin PPO nga adunay 116.88 points.
Gibutyag ni COCPO Spokesperson Police Supt. Mardy Hortillosa nga kini kay ilang nakuha ang target sa mga kalihukan nga gikinahanglang diha sa kumonidad.
Dugang pa niini, nga kung padayon nilang makuha ang maong kalampusan posibleng makadawat sila og award gikan sa kaulohan.
Tungod niini, gitakdang hatagan ni City Director Police Senior Supt. Nelson Aganon sa pasidungog ang matag PCR personnel tungod na usab sa naangkon nilang kalampusan sa ilang mga hanay.
Mapasalamaton usab kini sa tanang personahe nga naningkamot ug naghimo sa ilang mga trabaho busa ilang naangkon ang maong kalampusan.
