Nagapreparar sang dako nga pondo ang Cadiz City para sa away sini nga kontra COVID-19.Sa interview sang DYHB kay Mayor Salvador “Bading” Escalante Jr., ginkumpirmar sini nga may kapin P12 million pa sila nga disaster fund sa karun kag sa ila nga session sini nga semana nagaplano ang konseho nga magpasar sang P12 million pa nga supplemental budget para magamit sa away kontra COVID-19 partikular na ang gasto sa Healing Center nga nahamtang sa Brgy. Tinampaan.
Ang Healing Center sa Brgy. Tinampaan ukon ang Yolanda Housing ang may kapin 200 pa ka rooms nga ginagamit karun nga quarantine facility sa diin 100 ang para sa probinsiya kag 100 naman sa city government.
Una nga nagpain ang provincial government sang P5 million para sa ginagamit sini nga units sa housing project kag P5 million man ang iya sang Cadiz city government.
Sa ulihi nga datos sang Cadiz city, may kapin 35 ka mga Cadiznon nga naka-quarantine sa Healing Center wala labot pa diri ang kabahin sang 91 ka repatriated locally stranded inviduals (LSI) nga ginsugat sang provincial government sa Tabuelan, Cebu kag gindala man sa nasambit nga quarantine facility kahapon.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
