Gihimakak ni PSSupt. Ernesto Tindero, provincial director sa PPO Agusan del Norte ang isyu nga adunay sagul pulitika ang pagsikop sa duha ka mga brgy. Kapitan sa dakbayan sa Cabadbaran city human nakuhaan ug mga ihalas nga armas ug mga buhing bala.
Sigun ni Col. Tindero nga dili manghilabot ang kwerpo sa kapulisan sa isyu sa pulitika kay bugtong ang balaod lamang maoy ilang gipatuman.
Dugang pa sa opisyal nga bisan kinsa na opisyal kung malambigit sa mga illegal ang mamahimung subject sa search warrant.
Gilimod usab ni PSSupt. Tindero nga girekominda ni Gov. Angel Amante- Matba si PCI Renel Serrano nga mamahimung hepe sa Cabadbaran city PNP tungod kay siya lang bakanting Police Chief Inspector nga gikan sa Police Regional Office 13 ug kwalipikado’ng mamahimung hepe sa syudad sa Cabadbaran.
Nanawagan si PCI Renel Serrani, hepe sa Cabadbaran city PNP ngadto sa tanang mga brgy. Kapitan sa syudad nga i-surender ngadto sa mga otoridad kung aduna man silay gikuptan nga mga ihalas nga armas.
Kini nga panawagan ni PCI Serrano gihimu human sa gilusad nga pagronda sa kwerpo sa kapulisan sa panimalay sa duha ka mga brgy. Kapitan sa syudad sa Cabadbaran nga nagpositibo sa ihalas nga mga armas.
Kahibaloan nga arestado si Kap. Alberto Baldo sa brgy. Bay-ang sa maong syudad human nakuhaan ug usa ka Granada ug usa ka kalibre .45 nga pistol uban ang unom ka mga buhing bala ug laing magazine sa kalibre .45 nga armas nga anaay sulod nga 6 ka mga buhing bala sulod sa U-box sa iyang XRM nga motorsiklo.
Dungan usab nga gironda sa kapulisan ang panimalay sa magtiayong kanhi brgy. Kapitan Rico Cueno ug incumbent brgy. Kapitan Judith Cueno sa brgy. Del Pilar, Cabadbaran city ug nakuhaan usab ug usa ka .45 pistola ug usa ka .38 kalibre nga armas uban ang mga buhing bala ug mga eksplosibo.
Ang maong mga operasyon pinasikad sa gahum sa Search Warrant alang sa paglapas sa RA 10591 kon ILLEGAL POSSESSION OF FIRE ARMS nga giisyu ni Hon. Judge Emmanuel E. Escatron sa Regional Trial Court, 10th Judicial Region Branch 2 Hall of Justices Libertad Butuan City.
Gihimakak ni PSSupt. Ernesto Tindero, provincial director sa PPO Agusan del Norte ang isyu nga adunay sagul pulitika ang pagsikop sa duha ka mga brgy. Kapitan sa dakbayan sa Cabadbaran city human nakuhaan ug mga ihalas nga armas ug mga buhing bala.
Sigun ni Col. Tindero nga dili manghilabot ang kwerpo sa kapulisan sa isyu sa pulitika kay bugtong ang balaod lamang maoy ilang gipatuman.
Dugang pa sa opisyal nga bisan kinsa na opisyal kung malambigit sa mga illegal ang mamahimung subject sa search warrant.
